Bebecontos e Contacontos de Choupiña e Trasnón 

Choupiña e Trasnón son os trasnos do bosque máxico que contan historias para  fomentar a lectura adentrando ós nen@s ó mundo dos contos a través da interacción e da expresividade corporal. A diversidade de temas vai asociada a diferentes festividades. Por exemplo:

• Contos para promove-la integración, diversidade e capacidades diferentes e igualdade.
• O día da árbore pretende fomenta-lo coidado, respecto e protección das especies e da natureza.
• O día das letras Galegas vai adicado á personaxe escollida cada ano.
• Os contos de antroido, de Nadal, de San Martiño, de San Xoán, contos populares...

Deste xeito inician a aventura do descobremento da maxia dos libros. Axudado por Choupiña e as persoas do público, Trasnón conclúe que as casas dos soños onde habitan os contos son nada máis e nada menos que os libros.